பிக் பாஸ்

 யாருக்குத்தான்   பிக் பாஸாக   இருக்கப் பிடிக்காது ?

நாமெல்லாருமே  நம்மை நாமே தகுதி இருக்கோ இல்லையோ   வாழ்க்கையின்   ஒவ்வொரு   தருணங்களில்   பிக் பாஸாகத்  தான் நினைத்திருக்கிறோம்

( டயலாக்குகள் யாராலும் எழுதிக் கொடுக்கப் படவில்லை , என்பது ஒரு  ஸ்பெஷல் plus)

பேச்சு   வராத    குழந்தை   கூட   தனக்கு   எல்லாம்   தெரியும்   போ  என்கிற தோரணையில்   செல் போனில்   விளையாடுகிறது ,  

டி .வி யில் சேனலை மாற்றுகிறது , 

  பேப்பரில் எழுதுகிறது .

    டீன் ஏஜ்   வந்துவிட்டால்   போறும்   இந்தக்   குழந்தைகள் பெற்றோரிடம்   உனக்கு   ஒண்ணுமே   தெரியல ... எப்படித்தான் இத்தனை வருஷம் குப்பைகொட்டினியோ என்று     பெற்றோர்களை    

அதுவும்   அவர்கள்   பெற்றோரை விட உயரமாக இருந்து விட்டால் போதும் . 

அவர்களைக்  குனிந்து ஒருலுக் விடும் அழகே அழகு .

நானும் இது போல என் பெற்றோர்களிடம் செய்ததுண்டு . என் பெற்றோர்களும் ரசித்திருந்திருக்கிறார்கள்.

என் மகன் களும் செய்திருக்கிறார்கள் .

என்னால்   இன்னும்   மறக்க   முடியாத   ஒரு நிகழ்வு .

என் மகன் 12 வது    முடித்து    காலேஜ்   எல்லாம்   சேர்ந்த பின் ஒரு நாள் அவனும் அவன்   ஃ பிரண்ட்ஸ்களும்    டீச்சரைப்    பார்க்கப் 

(கலாய்க்கப? )  போய்   இருந்திருக்கிறார்கள் .

ஸ்கூல்   வாச்மேன்   இதுகளைப்   பார்த்ததும் கொஞ்சம் ஒரு மாதிரி ஆகிட்டான்.

இது   ஒரு அடங்காத வெவகாரமான   குரூப்  என்பது அவன் அனுபவ 

பூர்வமாக அறிந்த உண்மை .

என்னடா    இதுங்க   ஸ்கூலை   விட்டுப்   போயிருச்சுங்களாச்சே ன்னு    நினச்சா    திரும்ப   வந்துடுச்சுங்களே ........ன்னு நெனச்சானோ என்னமோ

"தம்பி ...தம்பி ...

பழைய    பசங்கள்லாம்   உள்ள வரக்கூடாது   ஸ்கூல் ரூல்ஸ் அப்படி "

  நம்ம பையன் குரூப் சாதாரணமா என்ன ?

வடிவேலு தோரணையில் "யாரைப் பாத்திட்டு தம்பி ங்கிறே? 

ம்…. ம் ...

  " நாங்கல்லாம்  இப்ப  இன்ஜியரிங் காலேஜு பசங்க ...

.போன வருஷம் வரை தம்பி .

இப்ப நாங்கல்லாம் சார் ஆகிட்டோம் .

இந்தா.. டீ...டிபனெல்லலாம் சாப்பிட்டுக்கோ

.போன வருஷமெல்லாம் எத்தினியோ நாள் புராஜெக்ட் அது இதுன்னு சொல்லிட்டு லேட்டா வந்த போதெல்லாம் நம்பிட்டே .

அதுக்கோசரம் இந்த டிப்ஸு ....தெரியுதா ?சரியா ?

தோரணையாக சொல்லிவிட்டு

டீச்சர்  களைப் பாத்துட்டு வந்ததுகூட ஒரு பிக் பாஸ் எபிசோடு .

அதுவும்  மண்டபத்தில்   எழுதிக் கொடுத்த டயலாக் இல்லை .

   நிஜ   வாழ்க்கையில்    உள்ள பிக் பாஸ் எபிசோடுகள்   ஒரு தனி சுவாரஸ்யத்தோடு தான்    இருக்கின்றன .

டபாய்க்கவே முடியாத குடும்ப வேலைகள்+சம்பள வேலை+ சோம்பேறித்தனம் =பதிவுலகிற்கு விடுமுறை