டிஜிட்டல் திண்ணை

 

வாட்ஸ்ஆப்  என்பதன் தமிழ்ப்  மொழி பெயர்ப்பு   இந்நேரம் 

  யாராச்சும் செய்திருப்பார்களே என்னவாக இருக்கும் என்று விக்கிபீடியா

வைப் பார்த்தபோது தமிழில் " பகிரி" அல்லது "புலனம் "அல்லது" கட்செவி அஞ்சல் "

என்றும் அறியப்படுகிறது என்று சொல்லியிருக்கிறார்கள் .

 டெக்கினிக்கலாகஇது  சரிதான் .சந்தேகமே இல்லை விக்கிபீடியாவை மாற்றுகிற ஐடியால்லாம் இல்லை .　

ஆனால் நாம் functional aspect ல் இதை டிஜிட்டல் திண்ணை என்று சொல்லலாம் என்று நினைக்கிறேன் .

ஏனென்றால் நாம்  திண்ணையில் வம்பு அடிப்பது மட்டுமில்லாமல்   சாப்பிடலாம் படுக்கலாம் வெட்டியா எதையாவது செய்யலாம் அது மாதிரி வாட்ஸ்ஆப்  கூடவே தூங்கி வாட்ஸ்ஆப்  கூடவே சாப்பிட்டு வாட்ஸ்ஆப்  கூடவே குளிச்சு ன்னு சகலமும் வாட்ஸ்ஆப்  கூடவே பொழுதைக் கழிக்கும் மனிதர்கள் எக்கச்சக்கம் .

அதுவும் லாக் டவுன் நேரத்தில் வீட்டில்  இருக்கறவங்க கிட்டே எவ்வளவு நாழி தான் பேச முடியம் . 

ரொம்பப் பேசினா சில சமயம் சண்டை வேறே வந்திடும் .

அரை மணிநேரம் பேசறதுக்குள்ளயே சண்டை வருது 

கணவன் மனைவி என்றில்லை  பெற்றோர் குழந்தைகள் அக்கா தங்கை அண்ணன் தம்பி பெரியவங்க சின்னவங்க என்ற பேதமில்லாமல் சகட்டு மேனிக்கு சண்டை வருகிறது . என்ன மாதிரி டாபிக்கைப் பேசினாலும் சண்டை வருகிறது. 

இதிலே இன்னொரு பிரச்னை  கௌரவம் சிவாஜி மாதிரி "ஆத்தை விட்டுப் போகணும்ன்னு மட்டும் தோன்றாது. எங்க போறதுன்னு தெரியலையே ' சிச்சுவேஷன்  

 கோச்சுக்கிட்டு வெளியேவும் போகமுடியாது .

அப்படியே  போனாலும் பசிச்சா ரெஸ்டாரண்டுகளில்  உட்கார்ந்து சாப்பிட முடியாது . 

பார்சல் மட்டும்தான் .

 பார்சலை எடுத்துக்கிட்டுஎங்கேயும் போக முடியாது  மறுபடியும் வீட்டுக்குத்தான் வரணும்

டெலிகேட் பொசிஷன் .என்ன பண்றது?

எனவே நிறையப் பேர் option வாட்ஸ்ஆப்  சரணம்.

 இதேதான் அந்தக்காலத்தில் 

கோச்சுக் கிட்டா திண்ணை மட்டும்தான் ஒரே சாய்ஸ் .

ஊர்க்காரங்களோட அனுசரிச்சுப் போய்ட்டா  எந்த வீட்டுத் திண்ணையின்னாலும்  போய் உட்கார்ந்துக்கலாம் அப்படியும் ஒரு சாய்ஸ் வேறே  உண்டு 

திண்ணையிலே உட்காந்து பேசிக்கிட்டிருந்தா  நேரம் போறதே தெரியாது.

சும்மா ரோட்டில் போய்கிட்டு இருக்கிற ஆளைக் கூப்பிட்டு வச்சு பேசிகிட்டு பொழுதை ஓட்டலாம் வை ஃ பை இல்லாமலே  .

வாட்ஸ்ஆப்பும் அது மாதிரித்தான் .

திண்ணையிலே உட்காந்து பேசற பேச்சிலே சில சமயம் சண்டை வரும் வம்பு வரும் .வாட்ஸ்ஆப்பில்  வம்புகள் வேறே லெவல்  .

 திண்ணை வம்புகளை விட வீரியம் மிக்கது 。வீட்டுக்குள் வியட்னாம் போரையே கொண்டு வருகிற அளவு வீரியம் கொண்ட வாட்ஸ் அப் மெசேஜுகள் ஏராளம் .

 திண்ணைகளில் அந்தக்காலத்தில் மலர்ந்த காதல் பிரிந்த காதல் என்று நிறைய உண்டு

வாட்ஸ்ஆப்பில்  இதே விஷயங்கள்  நிறைய அரங்கேறுகின்றன ..

திண்ணையிலே சில பேரு தேவையில்லாமல் பைசா பொறாத விஷயத்துக்கெல்லாம் ஓவரா பரவசமாகிடுவாங்க . அதே இமோஷன் வாட்ஸ்ஆப்பிலே  பரவலா இருக்கு.

 இன்னும் முக்கியமான விஷயம் என்னான்னாக்க

  மிகப் பெரிய முன்னுரை ஒரு common factor. .

 நானெல்லாம் சின்ன வயசிலே ஊருக்குப் போயிருக்கும் போதுஎங்க அம்மா மடியிலே படுத்துகிட்டு இந்த திண்ணைப் பேச்செல்லாம் கேட்டிருக்கேன் ,சிலசமயங்களில் முன்னுரை முடிவதற்கு முன்னாடியே தூங்கியிருக்கேன்  , வாட்ஸ்ஆப் பில் அஞ்சு நிமஷ வீடியோலே4.30 நிமிஷம் முடிஞ்சப்புறம் தான் விஷயத்துக்கே வருவாங்க

என்ன  என் மொழிபெயர்ப்பு சரிதானே