நேஷனல் பானசானிக் குக்கர் சமையல்

 சமையல் ரொம்ப ஈஸி

பொதுவா சமையல் என்றால் அடுப்புக்கிட்டே மறக்காம நின்னுகிட்டு வேலை பாத்தே  ஆகணும் .

நின்று கொண்டு சமைக்க  கால்கள் ஒத்துழையாமை இயக்கம் செய்கிறது

 சில பேர் இப்ப எல்லாம்   ஒபோஸ்  சமையல் என்று செய்கிறார்கள் . நான் இதுவரை செய்து பார்த்த தில்லை .

ஆனால் நான் பல வருடங்களாக நேஷனல் பானசானிக் குக்கர் அதாவது1992-93 களிலிருந்து உபயோகப் படுத்திக் கொண்டு வருகிறேன் ,

முதலில் சாதம் சமைக்க மட்டும் தான் பயன்படுத்தினேன் . பிறகு பருப்பு காய் வகைகள் மசாலா வேகவைக்௧ என்று பலவற்றிற்கும் பயன் படுத்த ஆரம்பித்தேன் .

பிறகு ரவா கேசரி மற்றும் சில இனிப்புகள்  செய்ய தக்காளி தொக்கு செய்ய என்று  விரிவு படுத்தினேன் .

இது தவிர வழக்கமாக இட்லி செய்யும் பாத்திரத்தில் இட்லி செய்ய அவ்வப்போது ஞாபக மறதியால்  இட்லி வைக்கும் பாத்திரம் அடி பிடிக்க ஆரம்பித்த்தது. லாக் டவுன்  நேரம் உதவிக்கு ஆள் யாரும் இல்லாமல் இந்தப் பாத்திரத்தையும் தேய்ப்பதற்குள்  அப்பப்ப்பா.. போதும் போதும் என்று ஆகிவிட்டது . பிறகு இந்தக் குக்கரில் வைக்க ஆரம்பித்து விட்டேன் .

இதே போல் பாலும் இன்டக்ஷன் ஸ்டவ்வில் தான் காய்ச்சுவேன் இருந்தாலும் அதையும் என்னதான் மினிமம் பாயிண்டில் வைத்தாலும் சில சமயங்களில் பொங்கிவிடுகின்றது.

பிறகு டீ போடும் போதும் இதே பிரச்னை , அடுப்புக்கிட்டே வெட்டியா நின்னு பாத்துகிட்டு இருக்க முடியலை . அப்புறம் பார்த்தேன்  பால்  டீ  இன்னும் என்னவெல்லாம் இந்த அடுப்புக்குள் திணிக்க முடியுமோ திணிச்சு வைச்சு வேக வச்சுட்டா அப்புறமா மிக்சிங்  தாளிப்பது எல்லாமே .

 vertical Horizontal  single layer double layer என்று  தேவைக்கேற்ப சின்ன பாத்திரம் பெரிய பாத்திரம் காம்பினேஷனில் வைத்து சமையலை முடிக்கிறேன்

நான் இரண்டு குக்கர் வைத்துள்ளேன் .

இதில் உள்ள ஒரு பெரிய சவுகரியம் என்ன வென்றால் நாம் அடுப்பில் வைத்து விட்டு  குளிக்கப் போனாலோ  வீடு பெருக்கப் போனாலோ பாத்திரம் தீய்ந்து விடும் என்கிற பயம் இல்லை  

இன்னும் உண்மையாக சொல்லணுமின்னாக்க  .அரை மணி நேரம் யாரிடமாவது வெட்டியாகப் பேசலாம்  கவலை இல்லை 

  போனில்  வாட்சப் முக நூல் இவற்றிலும் ஒரு மணி நேரம் கூட செலவழிக்கலாம் . பயமில்லை  

எந்தப் பாத்திரத்தில் சமைத்த பின் எடுத்து வைக்கப் போகிறோமோ அதே பாத்திரத்தில் தான் சமைக்கிறோம் . எனவே பாத்திரங்கள் அவ்வளவாக விழாது .

பிரஷர் குக்கர் என்றால் விசில் போடணும் 

விசிலை வேறு மெனக்கெட்டு எண்ணிக் கொண்டு இருக்கணும் அந்தப் பிரச்னை எல்லாம் இதில் இல்லை

சமையல் ரொம்ப ஈஸி.

 நீங்களும் செய்து பாருங்கள்