வாஸ்து ஷெல்ப் cum பூனை பிரசவ அறை

  வட கிழக்கே அடுப்படி இருக்கக் கூடாது ,கிழக்கே    பாத்து 

  சமைக்கணும் என்பது போன்ற சில முக்கியமான  அடிப்படை

 

விதிகள்  தவிர   எனக்கு வாஸ்துவில் 

அவ்வளவு  நம்பிக்கை இல்லை .

 என் கணவருக்கு அதில்  நம்பிக்கை உண்டு .

அதன் படி  எங்கள் ஃ பிளாட்டின் தென் மேற்குப் பகுதியில் 

  உள்ள பால்கனியில் ஒரு ஸ்லாப்     அமைக்கப் பட்டது .

அதில் வேண்டாத சாமான்கள் எல்லாம் போட்டோம் , 

  ( வேண்டாத    என்ற பிறகுஅதை    ஏன்  வீட்டில் வச்சுக்கணும் என்று 

  

 வக்கீல் மாதிரி யாரும் குறுக்குகேள்வி கேட்கவேண்டாம் ) 

அதற்கு வைத்த  ஒரு  பாதிக் கதவு ஒரு சுப யோக 

 தினத்தில் கையோடு வந்து விட்டது .

“ அதைப்   பொறுத்த வேண்டி ஆசாரியைக் கூப்பிட்டா

இந்த சின்ன   வேலைக்கெல்லாம்   வருவது  சரிப்படாது “

என்றபடியால் அதை நாங்கள் இதுவரை  நாங்கள் பொருத்தவில்லை.

 எனவே ஒரு பாதி  மூடப்படாமல் அப்படியே உள்ளது .

 எங்கள் வீட்டிற்குப் பின்னால் உள்ள ஃ பிளாட்டில் ஒரு நடிகை வசிக்கிறார் .

அவர்   ஒரு பூனை வளர்க்கிறார் 

 அது அவர் வீட்டுப் பூனை என்று எங்கள் ஃ பிளாட் வாட்ச்மென் சொல்லுகிறான் .

ஆனால் அந்த நடிகையிடம் நான் அது உண்மைதானா

என்றெல்லாம் கேட்டதே இல்லை .

 பத்து வருடங்கள் பக்கத்திலேயே இருந்தாலும் நான் இது வரை

அவரிடம் பேசியதே இல்லை..

 அந்தப் பூனை எப்போ குட்டி போட்டாலும் அது எங்கள் வீட்டு 

பால்கனி     ஸ்லாபில் தான்  குட்டி போடுகிறது .

எங்கள் வீட்டு   ஜன்னல் சன்   ஷேடில் புறாவுக்குப் 

 பருப்பு சாப்பிட வைப்பேன் .

பால்கனிக்கு உள்ளே  புறாக்கள் வரவே வராது,

அம்மா பூனை வெளியே போய் விட்டால்    அவ்வப்போது 

  பூனைக்குட்டி  களை    இந்தப் புறா சீண்டுகிறதா என்னவென்று 

தெரியவில்லை ,

 இப்போது   புறாக்கள் பால்கனி உள்ளே வருகின்றன.

பூனை  வேறு அடிக்கடி பால்கனிக்கு வருகிறது .

பட்டா பிரகாரம் நாங்கள் உரிமை கொண்டாடி

சுதந்திரமாக பால்கனிக்குப்    போக முடியவில்லை.

இரு தரப்பு ஆக்கிரமிப்புத் தொல்லை ... தாங்க முடியவில்லை .

 துணி காய வைக்க பால்கனிக்குப் போகும் போது 

“  மஹா ராணி வருகிறார் பராக் பராக் என்கிற மாதிரி

 “நான் டொக் டொக் என்று சத்தம் போட்டுவிட்டு

அதன் பின்தான் போக முடிகிறது .

இரவில் பூனைக்குட்டிகளின்  சத்தம் .

 ஆனால் நேற்றிலிருந்து  சத்தமே காணோம் .

 பூனைக்குட்டிகளுக்கு என்ன ஆச்சோ தெரியவில்லை .

உரிமைகள்    மீட்க்கப்பட்டு விட்டாலும் மனதை  என்னவோ செய்கிறது.