இதற்குத் தான் ஆசைப் பட்டோமா ?

 நிறைய பேர்  என்னையும் சேர்த்துதான் சொல்கிறேன் .
ஆசைப் பட்ட இனிப்புகள் காரங்கள் மற்றும் சாப்பிட்டு வகைகளைப் பார்த்தால் சாப்பிடத்  தோன்றும் .


ஆனால் உடம்பு வெயிட் போடும் என்கிற பயம் ,தவிர உடம்புக்கு ஒத்துக் கொள்ளாது போன்ற பிரச்னைகளால் சாப்பிட முடிவதில்லை .

ஆனால் அந்த ஏக்கம் மனதினில் எப்போதும் இருந்து  கொண்டே இருக்கும் அல்லது நமது நாக்கைக் கட்டுப் படுத்தாமல் இரட்டிப்பாகச் சாப்பிட்டு விடுவோம் .
அந்த பண்டகளின் மீது அப்படி ஒரு craze !

 எனக்கு பனீர் மசாலா போன்ற  பனீர் போட்ட பண்டங்களின் மீது ஒரு தீராக் காதல் இருந்தது

 ஆனால் கிட்னியில் கல் .

பனீர் சாப்பிட்டால்   கல் பெரிதாகி விடும்.

அறவே  கூடாது.

.வீட்டில் பசங்களுக்கு செய்யும் போது எனக்கென்று தனியாகச் செய்யவும் நேரமும் இருக்காது ,
உண்மையைச் சொன்னால் உ டம்பும் வளையாது .

 அதுவும் நானே சமைக்கும் போது அந்த மனம் மூக்கை வருடும் போது
நாக்கைக் கண்ட்ரோல் பண்ணவும் தெரியவில்லை .

 பிறகு ஒரு வழி கண்டு பிடித்தேன் .

பனீர்  துண்டங்களை எடுத்து வாயில் போடுவேன் நன்கு மென்று  சாப்பிடுவேன் .
ஆனால் முழுங்க மாட்டேன் .

துப்பி விடுவேன் .

வாயில் அந்த ருசி போகக்  கூடாது என்பதற்காக தண்ணீர் கூட ஒரு பத்து நிமிடம் வரை சாப்பிட மாட்டேன்  என்றால் பார்த்துக் கொள்ளுங்களேன்

இதே போல் தான் காஜூ கத்லியும்.

நாக்கில் போடுவேன்  சாப்பிடுவேன் பிறகு துப்பி விடுவேன் .

 ருசி என்பது நாக்கின் முன்  பாதி வரை தான்

என்பதைப் புரிந்து கொண்டால் போதும் .

ஆசையும் தீரும் ,

வயிறும் கெடாது .

பிறகு தோணும்

இதற்குத் தான் ஆசைப் பட்டோமா ?

 எப்படி என் ஐடியா