பாருக்குள்ளே நல்ல ஆப் இந்த வாட்ஸப் ஆப்

ஆண்டராய்ட்  ஃ போன் வந்தாலும் வந்தது இந்த வாட்ஸப் ஆப் தொல்லை தாங்கமுடியலை .சில விஷயங்களுக்கு ரொம்பவே  வசதியாக இருக்கு வெளி நாட்டில்  இருப்பவர்களுடன் அதிக செலவின்றிப் பேசமுடிகிறது. செய்திகள் அனுப்ப முடிகிறது . உடனுக்குடன்  செய்திகள் போட்டோக்கள்  அனுப்ப பெற்றிட எல்லாம் முடிகிறது .  ஃ  போனில்   நேரடியாகப் பேசமுடியாத  நிலையில் ( மீட்டிங்கில் இருந்தால் கூட ) ரகசியமாக மெசேஜு அனுப்பமுடிகிறது.

 ஆனால் அதே நேரம் எக்கச்சக்க விஷயங்கள்  போட்டோக்கள் அவசியமின்றி நமது போனில் அடைக்கப் படுகின்றன.. அதுவும் தீபாவளி பொங்கல் வருடப்பிறப்பு நாட்களில் போட்டோ மெசேஜுகள் ஏராளம் வந்து விடுகின்றன

ஜோக்குகள் பல நல்லாதான் இருக்கு . இல்லை என்று  சொல்லவில்லை . ஒரே ஜோக்கையே கிட்டத்தட்ட பத்து பேர் அனுப்பிச்சுடறாங்க . நம்மளை சந்தோஷமா வைக்கறதில அவ்வளவு வெறியா இருக்காங்களாம் .சில சமயம் வெறுத்துப்போய்    சந்தோஷமடையறதுக்கு பதிலா எரிச்சலாயிடறோம் .

 அதுவும் காலையில் எழுந்து  வாட்ஸாப்   பார்த்தால் கருத்தா சொல்லி நம்பளைக் கதறவிடறாங்க . நாம்ப என்னவோ பொறுப்பில்லாத இருக்கிற மாதிரியும் இவங்க கருத்தைக் கேட்டு நடந்து நாம உடனே எதோ நோபல் பரிசு வாங்கிடப் போறமாதிரி ரேஞ்சுக்கு எழுதறாங்க அவங்க சொல்றதை அவங்களே கடைப் பிடிக்கமாட்டாங்க.,இத்தனை வருஷம் நாம்ப எழுந்தவுடன் கனகாரியமாக இந்த மாதிரிக் கருத்தை எல்லாம்  காலையிலே   படிச்சப்புறம்தான் அந்த நாளையே ஆரம்பிச்சோமா என்ன ?

 கடவுள் ஃபோட்டோக்களும்  ஏகப்பட்டது  வந்து குவிந்து விடுகின்றன . என்னமோ நம்மை உய்விக்காமால் விடுவதில்லை என்று கங்கணம் கட்டிக்கொண்டு ஒரே கடவுள் போட்டோவையே  பல  பேர் அனுப்பி விடுகிறார்கள் .  அவை எல்லாம் கூகிளில் இருக்கின்றன . யு டியூபில் இருக்கின்றன .சில சமயம் அவற்றை அழிப்பதற்கே நேரம் செலவிட வேண்டியுள்ளது  இதெல்லாம் அழிக்கறதுக்கே நாம இவ்வளவு நாழி எடுத்துக்கிட்டா அப்புறம் எப்படி அவங்க அனுப்பிச்ச சாமியைக் கும்பிடமுடியும் .  சில பேரிடம் சொன்னாலும் விடப்படியா அனுப்பிகிட்டே இருக்காங்க .  நிறைய நாள் பழகியவங்களா இருக்கிறதால பிளாக் பண்ணவும் மனசில்லை .நான் நிறைய  மெசேஜு படிப்பதே இல்லை  . பல போட்டோக்களை திறப்பதே இல்லை . அப்படியே அழித்து விடுகிறேன் .

சில  பேர்  அவங்களுக்குப் பிடித்த பெரிய பெரிய வீடியோ வேறே அனுப்பிச்சுடறாங்க .. நமக்கு அதிலே எல்லாம் இன்டரஸ்ட் இல்லைன்னு சொன்னாலும் நீங்க பாருங்க  அப்புறம் உங்களுக்கே அதிலே ஒரு ஈடுபாடு வந்திடும் என்று ஸ்ட்ராங் ரெக்கமண்டேஷன் வேறே .அந்த வீடியோவைப் பார்த்தீங்கன்னா உங்களை வேறே ஒரு லெவலுக்கு அழைச்சுட்டுப் போகும்  என்கிற  டயலாக் வேறே அடிப்பார்கள்

நாட்டிலே உள்ளவங்க ஒவ்வொருத்தரும் இந்த மாதிரி ஒரு மணி நேரம் வாட்சாப்புக்கு செலவழிச்சா நாட்டு அளவில்  எத்தனை கோடி மணி நேரம் வேஸ்ட் ஆகுது யோசிச்சுப் பார்த்தால் தலையே சுத்தும்

 ம் ..ம்   என்னதான்   ஆ ஊன்னு குத்தம்  சொன்னாலும் கடைசியிலே காம்பிரமைஸு  பண்ணி வாட்சாப் கூட வாழப் பழகிகிட்டு இருக்கேன்